19

കൊ​ച്ചി: അ​ങ്ക​മാ​ലി കി​ട​ങ്ങൂ​രി​ൽ ഒ​രാ​ളെ ച​വി‌​ട്ടി​ക്കൊ​ന്ന ശേ​ഷം ഏ​റെ​നേ​രം പ​രി​ഭ്രാ​ന്തി സൃ​ഷ്ടി​ച്ച ആ​ന​യെ മ​യ​ക്കു​വെ​ടി​വ​ച്ചു. മ​ല​യാ​റ്റൂ​രി​ൽ നി​ന്നു​ള്ള ആ​ര്‍​ആ​ര്‍​ടി സം​ഘ​മാ​ണ് ആ​ന​യെ മ​യ​ക്കു​വെ​ടി​വ​ച്ച​ത്.

ആ​ന മ​യ​ങ്ങിത്തുടങ്ങിയെ​ന്നാ​ണ് വി​വ​രം. അ​ങ്ക​മാ​ലി കി​ട​ങ്ങൂ​ർ മ​ഹാ​വി​ഷ്ണു ക്ഷേ​ത്ര​ത്തി​ൽ തൊ​ഴാ​ൻ എ​ത്തി​ച്ച മ​യ്യ​നാ​ട് പാ​ർ​ത്ഥ​സാ​ര​ഥി എ​ന്ന ആ​ന​യാ​ണ് വി​ര​ണ്ടോ​ടി​യ​ത്. ക്ഷേ​ത്ര‌‌​ക്കു​ള​ത്തി​ൽ കു​ളി​പ്പി​ക്കു​ന്ന​തി​നി​ടെ ആ​ന വി​ര​ണ്ടോ​ടു​ക​യാ​യി​രു​ന്നു.

ആ​ന​യു​ടെ ച​വി​ട്ടേ​റ്റ് ലോ​റി ഡ്രൈ​വ​ർ മ​രി​ച്ചി​രു​ന്നു. കൊ​ല്ലം സ്വ​ദേ​ശി വി​ഷ്ണു ആ​ണ് മ​രി​ച്ച​ത്.

കൊ​ച്ചി: അ​ങ്ക​മാ​ലി കി​ട​ങ്ങൂ​രി​ൽ വി​ര​ണ്ടോ​ടി​യ ആ​ന​യു​ടെ ച​വി​ട്ടേ​റ്റ് ഒ​രാ​ൾ മ​രി​ച്ചു. ആനയെ എത്തിച്ച ലോറിയുടെ ഡ്രൈവർ വിഷ്ണു ആണ് മരിച്ചത്. സം​ഭ​വ​ത്തി​ൽ മറ്റ് രണ്ട് പേർക്ക് ഗു​രു​ത​ര​മാ​യി പ​രി​ക്കേ​റ്റി​ട്ടു​ണ്ട്.

കി​ട​ങ്ങൂ​ർ മ​ഹാ​വി​ഷ്ണു ക്ഷേ​ത്ര​ത്തി​ൽ ഉ​ത്സ​വ​ത്തി​നെ​ത്തി​ച്ച ആ​ന​യാ​ണ് വി​ര​ണ്ട​ത്. ആ​ന​യെ കു​ളി​പ്പി​ക്കു​ന്ന​തി​നി​ടെ വി​ര​ണ്ടോ​ടു​ക​യാ​യി​രു​ന്നു. ആ​ന​യെ ത​ള​യ്ക്കാ​നു​ള്ള ശ്ര​മം തു​ട​രു​ക​യാ​ണ്. കൊ​ല്ലം സ്വ​ദേ​ശി​യു​ടെ ഉ​ട​മ​സ്ഥ​ത​യി​ലു​ള്ള ആ​ന​യാ​ണ് ഇ​ട​ഞ്ഞ​തെ​ന്നാ​ണ് വി​വ​രം.

പാ​ല​ക്കാ​ട്: ഉ​ത്സ​വ​ത്തി​നി​ടെ ഇ​ട​ഞ്ഞ ആ​ന പാ​പ്പാ​നെ ച​വി​ട്ടി​ക്കൊ​ന്നു. പാ​ല​ക്കാ​ട് ത​ടു​ക്ക​ശേ​രി നാ​ഗ​ൻ കു​ള​ങ്ങ​ര ക്ഷേ​ത്രോ​ത്സ​വ​ത്തി​നി​ടെ​യു​ണ്ടാ​യ സം​ഭ​വ​ത്തി​ൽ പാ​പ്പാ​ൻ രാ​മ​ൻ ആ​ണ് മ​രി​ച്ച​ത്. കൊ​ല്ല​ങ്കോ​ട് ഗോ​വി​ന്ദ​ൻ കു​ട്ടി​യെ​ന്ന ആ​ന​യാ​ണ് ഇ​ട​ഞ്ഞ​ത്.

പ​ക​ൽ ശീ​വേ​ലി​ക്കി​ടെ തെ​ക്കും ഭാ​ഗം ദേ​ശം എ​ഴു​ന്നെ​ള്ളി​ച്ച ആ​ന​യാ​ണ് ഇ​ട​ഞ്ഞ​ത്. വി​ര​ണ്ടോ​ടി​യ ആ​ന സ​മീ​പ​ത്തെ വീ​ടു​ക​ളി​ലേ​ക്ക് ക​യ​റാ​ൻ ശ്ര​മി​ച്ചി​രു​ന്നു. ഇ​തി​നി​ടെ ത​ള​യ്ക്കാ​ൻ ശ്ര​മി​ക്കു​ന്ന​തി​നി​ടെ​യാ​ണ് അ​പ​ക​ടം സം​ഭ​വി​ച്ച​ത്. ഗു​രു​ത​ര​മാ​യി പ​രി​ക്കേ​റ്റ പാ​പ്പാ​നെ പ​ത്തി​രി​പ്പാ​ല സ്വ​കാ​ര്യ ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും ജീ​വ​ൻ ര​ക്ഷി​ക്കാ​നാ​യി​ല്ല.

മൃ​ത​ദേ​ഹം പാ​ല​ക്കാ​ട് ജി​ല്ലാ ആ​ശു​പ​ത്രി​യി​ൽ സൂ​ക്ഷി​ച്ചി​രി​ക്കു​ക​യാ​ണ്. അ​തേ​സ​മ​യം ഇ​ട​ഞ്ഞ ആ​ന​യെ ത​ള​യ്ക്കാ​നു​ള്ള ശ്ര​മം തു​ട​രു​ക​യാ​ണ്.

തൃ​ശൂ​ർ: ക്ഷേ​ത്ര ഉ​ത്സ​വ​ത്തി​നി​ട​യി​ൽ ആ​ന​യു​ടെ ആ​ക്ര​മ​ണ​ത്തി​ൽ യു​വാ​വിനു പ​രി​ക്ക്. തൃ​ശൂ​ർ അ​ന്ന​മ​ന​ട മ​ഹാ​ദേ​വ ക്ഷേ​ത്ര​ത്തി​ലാ​ണ് സം​ഭ​വം.

എ​ര​യാ​കു​ടി തു​റ​ന്ന​ല്ലൂ​ർ മ​ന​യി​ൽ വി​വേ​കി​നാ​ണ് പ​രി​ക്കേ​റ്റ​ത്. അ​ത്തി​ക്കാ​വ് കാ​ർ​ത്തി​കേ​യ​ൻ എ​ന്ന ആ​ന​യാ​ണ് ഇ​ട​ഞ്ഞ​ത്. എ​ഴു​ന്ന​ള്ളി​പ്പി​നാ​യി തി​ട​മ്പ് ആ​ന​പ്പു​റ​ത്ത് ഏ​റ്റു​ന്ന​തി​നി​ട​യി​ലാ​ണ് സം​ഭ​വം.

തി​ട​മ്പു​മാ​യി ആ​ന​യു​ടെ അ​രി​കി​ൽ നി​ന്ന വി​വേ​കി​നെ തു​മ്പി​ക്കൈ​യി​ൽ ചു​റ്റിയെടു​ത്ത് ആ​ന വ​ലി​ച്ചെ​റി​യു​ക​യാ​യി​രു​ന്നു. ഗു​രു​ത​ര​മാ​യി പ​രി​ക്കേ​റ്റ വി​വേ​കി​നെ എ​റ​ണാ​കു​ള​ത്തെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

കോതമംഗലം: വളര്‍ത്തു പോത്തിനെ കാട്ടാനകള്‍ ചവിട്ടിക്കൊന്നു. പിണ്ടിമന, കോട്ടപ്പടി പഞ്ചായത്തുകളുടെ അതിര്‍ത്തിപ്രദേശമായ വെറ്റിലപ്പാറയില്‍ തുടുമ്മേല്‍ ബെന്നിയുടെ പോത്താണ് കാട്ടാനകളുടെ ചവിട്ടേറ്റു ചത്തത്.

റബ്ബര്‍ തോട്ടത്തില്‍ കെട്ടിയിരുന്ന പോത്തിനെയാണ് കാട്ടാനകള്‍ ചവിട്ടിക്കൊന്നത്. കെട്ടിയിട്ടിരുന്നതു കാരണം കാട്ടാനകളുടെ ആക്രമണത്തിൽനിന്ന് ഒാടി രക്ഷപ്പെടാനും പോത്തിനു കഴിഞ്ഞില്ല.

പ്രദേശത്തു വന്യ മൃഗശല്യം രൂക്ഷമാണ്. ഫെന്‍സിംഗ് ഉപയോഗപ്രദമല്ലെന്നും നാട്ടിലിറങ്ങുന്ന മൃഗങ്ങളെ തുരത്താന്‍ നടപടി വേണമെന്നും നാട്ടുകാർ ആവശ്യപ്പെട്ടു. പോത്തിന്‍റെ ഉടമയ്ക്ക് ന്യായമായ നഷ്ടപരിഹാരം നൽകണമെന്നും അവർ ആവശ്യപ്പെട്ടു.

പനമരം: ഒരു ഇടവേളയ്ക്കു ശേഷം പനമരം എരനെല്ലൂരിൽ വീണ്ടും
കാട്ടാനകൾ എത്തി. വാടോച്ചാൽ, മേച്ചേരി ഭാഗത്ത് രണ്ടു ആനകളാണ് ഇന്നു പുലർച്ചെയോടെ ജനവാസ മേഖലയിലേക്ക് എത്തിയത്. മണിക്കൂറുകൾ നീണ്ട ശ്രമത്തിനൊടുവിൽ വനം വകുപ്പ് അധികൃതർ ആനകളെ പ്രദേശത്തുനിന്നു തുരത്തി.

എരനെല്ലൂർ ഭാഗത്ത് ആദ്യമെത്തിയ കാട്ടാനകളെ മാനന്തവാടി റേഞ്ച് ഓഫിസിൽനിന്ന് എത്തിയ വനം വകുപ്പ് ജീവനക്കാർ തുരത്താൻ ശ്രമിച്ചതോടെ ആനകൾ മേച്ചേരിയിൽ എത്തുകയായിരുന്നു. എല്ലാ വർഷവും ഈ ഭാഗത്തേക്ക് ആനകൾ എത്തുന്നതിനാൽ ഭീതിയിലാണ് തങ്ങളെന്നു പ്രദേശവാസികൾ പറയുന്നു.

പാതിരി സൗത്ത് സെക്ഷൻ വനമേഖലയിൽനിന്നാണ് രണ്ട് കൊമ്പന്മാർ പനമരം ചെറുപുഴ കടന്ന് മേച്ചേരി ഭാഗത്ത് എത്തിയത്. വനംവകുപ്പ് ജീവനക്കാരും ആർആർടി സംഘം ഉൾപ്പെടെയുള്ളവരും ചേർന്നാണ് ആനകളെ തുരത്തിയത്.

മലപ്പുറം: സംസ്ഥാനത്ത് വീണ്ടും കാട്ടാന ആക്രമണം. നിലമ്പൂരിൽ ഇതര സംസ്ഥാന തൊഴിലാളി മരിച്ചു. ടാപ്പിംഗ് തൊഴിലാളിയായ ജാർഖണ്ഡ് സ്വദേശി ചാരൂ ഒറവോൺ (55) ആണ് മരിച്ചത്.

നിലമ്പൂർ അരയാട് റബർ എസ്റ്റേറ്റിൽ ഇന്ന് രാവിലെ 9.10 തോടെയാണ് സംഭവം. ചാരൂ ടാപ്പിംഗിനുശേഷം അരയാട് എസ്റ്റേറ്റിലെ താമസസ്ഥലത്തേക്ക് മടങ്ങുകയായിരുന്നു. ഇതിനിടയിൽ റബർ മരത്തിനിടയിൽ നിൽക്കുകയായിരുന്ന കാട്ടാന ആക്രമിക്കുകയായിരുന്നു.

സംഭവസ്ഥലത്തുവച്ചു തന്നെ ഇയാൾ മരണപ്പെട്ടു. പിന്നീട് കാട്ടാന തോട്ടത്തിലൂടെ വനത്തിലേക്ക് പോകുകയും ചെയ്തു.

കോ​ട്ട​യം: ഏ​റ്റു​മാ​നൂ​ർ വെ​മ്പ​ള്ളി​യി​ൽ വി​ര​ണ്ടോ​ടി​യ ആ​ന പാ​പ്പാ​നെ കു​ത്തി​പ​രി​ക്കേ​ൽ​പ്പി​ച്ചു. വൈ​ലാ​ശേ​രി അ​ർ​ജു​ന​ൻ എ​ന്ന ആ​ന​യാ​ണ് വി​ര​ണ്ട​ത്. തു​ട​ർ​ന്ന് ആ​ന​യെ ത​ള​യ്ക്കാ​ൻ ശ്ര​മി​ക്കു​ന്ന​തി​നി​ട​യി​ൽ ഒ​ന്നാം പാ​പ്പാ​ൻ സ​ജി​യെ ആ​ക്ര​മി​ക്കു​ക​യാ​യി​രു​ന്നു. കാ​ലി​ന് പ​രി​ക്കേ​റ്റ ഇ​യാ​ളെ കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. പ​രി​ക്ക് ഗു​തു​ര​മ​ല്ലെ​ന്നാ​ണ് വി​വ​രം.

ഏ​റ്റു​മാ​നൂ​ർ-​വെ​മ്പ​ള്ളി റോ​ഡി​ൽ ഇ​ന്ന് വൈ​കി​ട്ടാ​യി​രു​ന്നു സം​ഭ​വം. ഉ​ത്സ​വ​ത്തി​ന് ശേ​ഷം അ​ങ്ക​മാ​ലി​യി​ലേ​ക്ക് ആ​ന​യെ കൊ​ണ്ടു​പോ​കു​മ്പോ​ൾ വെ​ള്ളം കു​ടി​ക്കാ​നാ​യി വാ​ഹ​ന​ത്തി​ൽ നി​ന്ന് പു​റ​ത്തി​റ​ക്കി. പി​ന്നാ​ലെ ആ​ന വി​ര​ണ്ടോ​ടു​ക​യാ​യി​രു​ന്നു.

ആ​ന വി​ര​ണ്ട​തോ​ടെ പ്ര​ദേ​ശ​ത്ത് ഏ​റെ നേ​രം ഗ​താ​ഗ​തം ത​ട​സ​പ്പെ​ട്ടു. ഒ​ന്ന​ര മ​ണി​ക്കൂ​റോ​ളം പ​രി​ശ്ര​മി​ച്ചാ​ണ് ആ​ന​യെ സ​മീ​പ​ത്തെ റ​ബ​ർ തോ​ട്ട​ത്തി​ൽ ത​ള​ച്ച​ത്. കു​റ​വി​ല​ങ്ങാ​ട് പോ​ലീ​സും സ്ഥ​ല​ത്തെ​ത്തി​യാ​ണ് സ്ഥി​തി​ഗ​തി​ക​ൾ നി​യ​ന്ത്രി​ച്ച​ത്. ആ​ന വി​ര​ണ്ട​ത​റി​ഞ്ഞ് നി​ര​വ​ധി നാ​ട്ടു​കാ​രും പ്ര​ദേ​ശ​ത്ത് ത​ടി​ച്ചു​കൂ​ടി​യി​രു​ന്നു.

ചി​ന്ന​ക്ക​നാ​ല്‍: ചൂ​ണ്ട​ലി​ല്‍ കാ​ട്ടാ​ന ആ​ക്ര​മ​ണ​ത്തി​ല്‍ ഒ​രാ​ള്‍ മ​രി​ച്ചു. പ​ന്നി​യാ​ര്‍ സ്വ​ദേ​ശി ജോ​സ​ഫ് വേ​ലു​ച്ചാ​മി ആ​ണ് മ​രി​ച്ച​ത്.

ച​ക്ക​ക്കൊ​മ്പ​ന്‍ കാ​ട്ടാ​ന​യാ​ണ് ആ​ക്ര​മി​ച്ച​തെ​ന്നാ​ണ് പു​റ​ത്തു​വ​രു​ന്ന സൂ​ച​ന. ഏ​ല​ത്തോ​ട്ട​ത്തി​ല്‍ വ​ച്ചാ​യി​രു​ന്നു ജോ​സ​ഫി​നെ കാ​ട്ടാ​ന ആ​ക്ര​മി​ച്ച​ത്.

ആ​ന​ക്കൂ​ട്ട​ത്തി​ല്‍ 14ഓ​ളം ആ​ന​ക​ളു​ണ്ടാ​യി​രു​ന്നു. ആ​ന​ക്കൂ​ട്ടം സ്ഥ​ല​ത്ത് ത​ന്നെ തു​ട​രു​ന്ന​തി​നാ​ല്‍ മൃ​ത​ദേ​ഹം പു​റ​ത്തെ​ടു​ക്കാ​നാ​വാ​ത്ത സാ​ഹ​ച​ര്യ​മാ​ണ് നി​ല​വി​ലു​ള്ള​ത്.

ആ​ല​പ്പു​ഴ: ഹ​രി​പ്പാ​ട് മ​ദ​പ്പാ​ടി​ലാ​യി​രു​ന്ന ആ​ന​യെ അ​ഴി​ച്ചു​മാ​റ്റു​ന്ന​തി​നി​ടെ കു​ത്തേ​റ്റ പാ​പ്പാ​ന് ദാ​രു​ണാ​ന്ത്യം. ര​ണ്ടാം പാ​പ്പാ​ന് ഗു​രു​ത​ര പ​രി​ക്കേ​റ്റു. തെ​ങ്ങ​മം സ്വ​ദേ​ശി മു​ര​ളീ​ധ​ര​ൻ നാ​യ​ർ (53) ആ​ണ് മ​രി​ച്ച​ത്.

മ​ദ​പ്പാ​ട് ക​ഴി​ഞ്ഞെ​ന്ന് ക​രു​തി പാ​പ്പാ​ന്മാ​ർ ചേ​ർ​ന്ന് ആ​ന​യെ മാ​റ്റി​ക്കെ​ട്ടാ​ൻ ശ്ര​മി​ക്കു​ക​യാ​യി​രു​ന്നു. ഇ​തി​നി​ടെ ര​ണ്ടാം പാ​പ്പ​നാ​ണ് ആ​ദ്യം കു​ത്തേ​റ്റ​ത്. തു​ട​ർ​ന്ന് മ​റ്റു പാ​പ്പാ​ൻ​മാ​ർ ചേ​ർ​ന്ന് ആ​ന​യെ സു​ര​ക്ഷി​ത​മാ​യി ത​റി​യി​ലേ​ക്ക് മാ​റ്റു​ന്ന​തി​നി​ടെ​യാ​ണ് മു​ര​ളീ​ധ​ര​ൻ നാ​യ​ർ​ക്ക് കു​ത്തേ​റ്റ​ത്.

ഗു​രു​ത​ര​പ​രി​ക്കേ​റ്റ മു​ര​ളീ​ധ​ര​ൻ നാ​യ​രെ ഉ​ട​ൻ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും മ​ര​ണ​ത്തി​ന് കീ​ഴ​ട​ങ്ങു​ക​യാ​യി​രു​ന്നു.

പാ​ല​ക്കാ​ട്: അ​ട്ട​പ്പാ​ടി ചീ​ര​ങ്ക​ട​വി​ല്‍ കാ​ട്ടാ​ന ആ​ക്ര​മ​ണ​ത്തി​ല്‍ യു​വാ​വ് കൊ​ല്ല​പ്പെ​ട്ടു. ചീ​ര​ങ്ക​ട​വ് സ്വ​ദേ​ശി വെ​ള്ളി​ങ്കി​രി(40) ആ​ണ് മ​രി​ച്ച​ത്. പ​ശു​വി​നെ മേ​യ്ക്കാ​ന്‍ കാ​ട്ടി​ലെ​ത്തി​യ​പ്പോ​ഴാ​യി​രു​ന്നു ആ​ക്ര​മ​ണം.

തി​ങ്ക​ളാ​ഴ്ച പ​ശു​വി​നെ മേ​യ്ക്കാ​ൻ പോ​യ വെ​ള്ളി​ങ്കി​രി​യെ കാ​ണാ​താ​വു​ക​യാ​യി​രു​ന്നു. വ​നം​വ​കു​പ്പ് ന​ട​ത്തി​യ പ​രി​ശോ​ധ​ന​യി​ലാ​ണ് വ​ന​ത്തോ​ട് ‌ചേ​ർ​ന്ന പ്ര​ദേ​ശ​ത്ത് മൃ​ത​ദേ​ഹം ക​ണ്ടെ​ത്തി​യ​ത്.

പാ​ല​ക്കാ​ട് ജ​ന​റ​ൽ ആ​ശു​പ​ത്രി​യി​ൽ പോ​സ്റ്റ്മോ​ർ​ട്ടം ന​ട​ത്തും. ര​ണ്ടു മാ​സ​ങ്ങ​ൾ​ക്കു മു​ന്പും പ്ര​ദേ​ശ​ത്ത് കാ​ട്ടാ​ന ആ​ക്ര​മ​ണ​ത്തി​ൽ വ​യോ​ധി​ക​ൻ കൊ​ല്ല​പ്പെ​ട്ടി​രു​ന്നു.

ചെ​ന്നൈ: ത​മി​ഴ്നാ​ട് നീ​ല​ഗി​രി പ​ന്ത​ല്ലൂ​രി​ൽ കാ​ട്ടാ​ന ആ​ക്ര​മ​ണ​ത്തി​ൽ തോ​ട്ടം തൊ​ഴി​ലാ​ളി കൊ​ല്ല​പ്പെ​ട്ടു. ടാ​ൻ ടീ ​എ​സ്റ്റേ​റ്റ് തൊ​ഴി​ലാ​ളി ഉ​ദ​യ​സൂ​ര്യ​ൻ (58) ആ​ണ് മ​രി​ച്ച​ത്.

കൊ​ള​പ്പ​ള്ളി അ​മ്മ​ൻ​കോ​വി​ലി​ൽ ഇ​ന്ന് രാ​വി​ലെ​യാ​യി​രു​ന്നു സം​ഭ​വം. വീ​ട്ടു​മു​റ്റ​ത്ത് നി​ൽ​ക്കു​ന്പോ​ഴാ​ണ് ഉ​ദ​യ​സൂ​ര്യ​നെ കാ​ട്ടാ​ന ആ​ക്ര​മി​ച്ച​ത്.

എ​​​ട​​​ക്ക​​​ര (മലപ്പുറം): നിലന്പൂരിന ടുത്ത് കാ​​​ട്ടാ​​​ന​​​യു​​​ടെ ആ​​​ക്ര​​​മ​​​ണ​​​ത്തി​​​ൽ ആ​​​ദി​​​വാ​​​സി കൊ​​​ല്ല​​​പ്പെ​​​ട്ടു. മു​​​ണ്ടേ​​​രി ഉ​​​ൾ​​​വ​​​ന​​​ത്തി​​​ൽ വാ​​​ണി​​​യം​​​പു​​​ഴ ഊ​​​രി​​​ലെ കൊ​​​ടി​​​ഞ്ഞി ബി​​​ല്ലി (57) യാ​​​ണ് കാ​​​ട്ടാ​​​ന​​​യു​​​ടെ ആ​​​ക്ര​​​മ​​​ണ​​​ത്തി​​​ൽ മരി ച്ചത്.
ഇ​​​ന്ന​​​ലെ രാ​​​വി​​​ലെ ഊ​​​രി​​​നു സ​​​മീ​​​പ​​​മു​​​ള്ള കു​​​ന്ത​​​ൻ​​​തോ​​​ട് വ​​​ന​​​ത്തി​​​ൽ കൂ​​​ണ്‍ ശേ​​​ഖ​​​രി​​​ക്കാ​​​ൻ പോ​​​യ​​​താ​​​യി​​​രു​​​ന്നു ഇയാൾ. വൈ​​​കി​​​യി​​​ട്ടും ക​​​ണാ​​​താ​​​യ​​​പ്പോ​​​ൾ ബി​​​ല്ലി​​​യു​​​ടെ മ​​​ക്ക​​​ൾ ന​​​ട​​​ത്തി​​​യ തെ​​​ര​​​ച്ചി​​​ലി​​​ലാ​​​ണ് വൈ​​​കു​​​ന്നേ​​​രം മൂ​​​ന്ന​​​ര​​​യോ​​​ടെ കു​​​ന്ത​​​ൻ​​​തോ​​​ട് വ​​​ന​​​ഭാ​​​ഗ​​​ത്ത് ആ​​​ന​​​ക​​​ൾ​​​ക്ക് കു​​​ടി​​​വെ​​​ള്ളം ല​​​ഭ്യ​​​മാ​​​ക്കാ​​​ൻ നി​​​ർ​​​മി​​​ച്ച കു​​​ള​​​ത്തി​​​ന്‍റെ ക​​​ര​​​യി​​​ൽ ബി​​​ല്ലി മ​​​രി​​​ച്ചുകി​​​ട​​​ക്കു​​​ന്ന​​​ത് ക​​​ണ്ട​​​ത്.
ആ​​​ന​​​ക​​​ളു​​​ടെ കാ​​​ൽ​​​പ്പാ​​​ടു​​​ക​​​ളും ഇ​​​യാ​​​ൾ മ​​​രി​​​ച്ചുകി​​​ട​​​ക്കു​​​ന്ന​​​തി​​​ന് സ​​​മീ​​​പം കാ​​​ണ​​​പ്പെ​​​ട്ടി​​​ട്ടു​​​ണ്ട്. ബി​​​ല്ലി​​​യു​​​ടെ ത​​​ല​​​യ്ക്കും ന​​​ട്ടെ​​​ല്ലി​​​നു​​​മാ​​​ണ് പ​​​രി​​​ക്കേ​​​റ്റി​​​ട്ടു​​​ള്ള​​​ത്. വി​​​വ​​​ര​​​മ​​​റി​​​ഞ്ഞ് വ​​​ന​​​പാ​​​ല​​​ക​​​രും ആ​​​ദി​​​വാ​​​സി​​​ക​​​ളും ചേ​​​ർ​​​ന്ന് വൈ​​​കു​​​ന്നേ​​​രം ആ​​​റോ​​​ടെ മൃ​​​ത​​​ദേ​​​ഹം വ​​​ന​​​ത്തി​​​ൽ​​​നി​​​ന്ന് വാ​​​ണി​​​യം​​​പു​​​ഴ ഫോ​​​റ​​​സ്റ്റ് സ്റ്റേ​​​ഷ​​​നി​​​ൽ എ​​​ത്തി​​​ച്ചു.
എ​​​ന്നാ​​​ൽ, മൃ​​​ത​​​ദേ​​​ഹം ചാ​​​ലി​​​യാ​​​ർ പു​​​ഴ ക​​​ട​​​ത്തി പോ​​​സ്റ്റ്മോ​​​ർ​​​ട്ട​​​ത്തി​​​ന് കൊ​​​ണ്ടു​​​പോ​​​കാ​​​ൻ അ​​​ഗ്നി​​​ര​​​ക്ഷാ സേ​​​ന​​​യ്ക്ക് സാ​​​ധി​​​ച്ചി​​​ല്ല. ചാ​​​ലി​​​യാ​​​ർ പു​​​ഴ ക​​​ട​​​ക്ക​​​വേ അ​​​ഗ്നി​​​ര​​​ക്ഷാ സേ​​​നാം​​​ഗ​​​ങ്ങ​​​ൾ സ​​​ഞ്ച​​​രി​​​ച്ച ഡി​​​ങ്കി ബോ​​​ട്ട് പു​​​ഴ​​​യി​​​ലെ കു​​​ത്തൊ​​​ഴു​​​ക്കി​​​ൽ​​​പ്പെ​​​ട്ട് ഒ​​​ലി​​​ച്ചു​​​പോ​​​യ​​​തി​​​നാ​​​ലാ​​​ണ് മൃ​​​ത​​​ദേ​​​ഹം പു​​​റ​​​ത്തേ​​​ക്ക് എ​​​ത്തി​​​ക്കാ​​​ൻ ക​​​ഴി​​​യാ​​​തി​​​രു​​​ന്ന​​​ത്. പി​​​ന്നീ​​​ടെ​​​ത്തി​​​യ എ​​​ൻ​​​ഡി​​​ആ​​​ർ​​​എ​​​ഫ് സം​​​ഘം പു​​​ഴ​​​യി​​​ലെ തു​​​രു​​​ത്തി​​​ൽ അ​​​ക​​​പ്പെ​​​ട്ട അ​​​ഗ്നി​​​ര​​​ക്ഷാ സേ​​​നാം​​​ഗ​​​ങ്ങ​​​ളെ ര​​​ക്ഷ​​​പ്പെ​​​ടു​​​ത്താ​​​നാ​​​യി പോ​​​കുക​​​യും ചെ​​​യ്തു.
വാ​​​ണി​​​യം​​​പു​​​ഴ ഫേ​​​റ​​​സ്റ്റ് സ്റ്റേ​​​ഷ​​​നി​​​ൽ സൂ​​​ക്ഷി​​​ച്ചി​​​ട്ടു​​​ള്ള മൃ​​​ത​​​ദേ​​​ഹം ഇ​​​ന്ന് ഇ​​​ക്ക​​​ര​​​യെ​​​ത്തി​​​ച്ച് പോ​​​സ്റ്റ്മോ​​​ർ​​​ട്ട​​​ത്തി​​​നാ​​​യി കൊ​​​ണ്ടു​​​പോ​​​കും. ഓ​​​ണ​​​ത്തി​​​യാ​​​ണ് ബി​​​ല്ലി​​​യു​​​ടെ ഭാ​​​ര്യ. മ​​​ക്ക​​​ൾ: ബാ​​​ബു, കു​​​മാ​​​ർ, സി​​​നി, മി​​​നി. മ​​​രു​​​മ​​​ക​​​ൾ: ഷീ​​​ബ.

മലപ്പുറം ജില്ലയിലെ നിലമ്പൂരിനടുത്ത് കാട്ടാനയുടെ ആക്രമണത്തിൽ ഒരു ആദിവാസി യുവാവ് കൊല്ലപ്പെട്ടു. ഇന്ന് പുലർച്ചെയോടെ മുണ്ടേരി ഉൾവനത്തിൽ വാണിയംപുഴ ഭാഗത്താണ് സംഭവം. വനം വകുപ്പ് ഉദ്യോഗസ്ഥർ സ്ഥലത്തെത്തി പരിശോധന നടത്തി.

സ്ഥിരമായി കാട്ടാനശല്യം അനുഭവപ്പെടുന്ന പ്രദേശമാണിതെന്ന് നാട്ടുകാർ പറഞ്ഞു. കൃഷിയിടങ്ങളിൽ ഇറങ്ങുന്ന കാട്ടാനകൾ ജനവാസ മേഖലകളിലേക്കും എത്തുന്നത് പതിവായിട്ടുണ്ട്. വനം വകുപ്പിന്റെ ഭാഗത്തുനിന്ന് മതിയായ നടപടികൾ ഉണ്ടാകുന്നില്ലെന്ന് പ്രദേശവാസികൾ പരാതിപ്പെട്ടു.

സംഭവത്തിൽ പ്രതിഷേധം ശക്തമായതിനെ തുടർന്ന്, വനം വകുപ്പ് അധികൃതർ ഉന്നതതല യോഗം ചേർന്നു. കാട്ടാന ശല്യം തടയാൻ അടിയന്തര നടപടികൾ സ്വീകരിക്കുമെന്നും, കൊല്ലപ്പെട്ട യുവാവിന്റെ കുടുംബത്തിന് ആവശ്യമായ സഹായങ്ങൾ നൽകുമെന്നും അധികൃതർ ഉറപ്പുനൽകി.

സ്വ​ന്തം ലേ​ഖ​ക​ൻ

ക​ല്ല​ടി​ക്കോ​ട്: മു​ണ്ടൂ​ർ ഞാ​റ​ക്കോ​ട് ഭാ​ഗ​ത്ത് ക​ഴി​ഞ്ഞ ര​ണ്ടു വ​ർ​ഷ​ത്തി​നി​ടെ കാ​ട്ടാ​ന കൊ​ന്ന​തു മൂ​ന്നു പേ​രെ. സോ​ളി​ച്ച​ൻ വ​ർ​ഗീ​സ്, അ​ല​ൻ, കു​മാ​ര​ൻ എ​ന്നി​വ​രാ​ണ് ഒ​രു കി​ലോ​മീ​റ്റ​റി​നു​ള്ളി​ൽ കാ​ട്ടാ​ന​യു​ടെ ആ​ക്ര​മ​ണ​ത്തി​ൽ മ​രി​ച്ച​ത്. കാ​ട്ടാ​ന​യു​ടെ ആ​ക്ര​മ​ണ​ത്തി​ൽ ഗു​രു​ത​ര​മാ​യി പ​രി​ക്കേ​റ്റ പെ​രു​കി​ൽ ആ​ന്‍റ​ണി കി​ട​പ്പി​ലാ​ണ്.

ആ​ദ്യ​മൊ​ക്കെ വ​ല്ല​പ്പോ​ഴും വ​ന്നി​രു​ന്ന ആ​ന​ക​ൾ അ​ടു​ത്ത​കാ​ല​ത്താ​യി സ്ഥി​രം എ​ത്തു​ന്നു​ണ്ട്. കൂ​ട്ട​മാ​യി എ​ത്തു​ന്ന ആ​ന​ക​ൾ കാ​ർ​ഷി​ക​വി​ള​ക​ൾ ന​ശി​പ്പി​ക്കു​ന്ന​തും പ​തി​വാ​ണ്. പാ​ട്ട കൊ​ട്ടി​യും പ​ട​ക്കം പൊ​ട്ടി​ച്ചും ആ​ന​ക​ളെ തു​ര​ത്താ​ൻ ശ്ര​മി​ക്കു​ന്നു​ണ്ടെ​ങ്കി​ലും ഫ​ല​പ്ര​ദ​മ​ല്ല. വീ​ടു​ക​ൾ​ക്കു സ​മീ​പം വ​ന​ത്തി​ൽ ഒ​ളി​ഞ്ഞു​നി​ൽ​ക്കു​ന്ന ആ​ന​ക​ൾ പെ​ട്ടെ​ന്നു പ്ര​ത്യ​ക്ഷ​പ്പെ​ട്ട് ആ​ളു​ക​ളെ ആ​ക്ര​മി​ക്കു​ക​യാ​ണ്.

രാ​വി​ലെ റ​ബ​ർ വെ​ട്ടാ​ൻ തോ​ട്ട​ത്തി​ലേ​ക്കു പോ​കു​മ്പോ​ഴാ​ണ് സോ​ളി​ച്ച​നെ കാ​ട്ടാ​ന കു​ത്തി​ക്കൊ​ന്ന​ത്. അ​മ്മ​യോ​ടൊ​പ്പം സ​ഹോ​ദ​രി​യു​ടെ വീ​ട്ടി​ൽ പോ​യി തി​രി​ച്ചു​വ​രു​മ്പോ​ഴാ​ണ് അ​ല​ൻ വീ​ടി​നു​സ​മീ​പം കൊ​ല്ല​പ്പെ​ടു​ന്ന​ത്.

വീ​ടി​നു പു​റ​ത്തു ശ​ബ്ദം കേ​ട്ട് പു​റ​ത്തി​റ​ങ്ങി​യ കു​മാ​ര​നെ കാ​ട്ടാ​ന ച​വി​ട്ടി​ക്കൊ​ന്ന​ത്. കാ​ട്ടാ​ന​യെ ഇ​തി​നു​മു​മ്പ് ഈ ​പ്ര​ദേ​ശ​ത്തു ക​ണ്ടി​ട്ടി​ല്ലെ​ന്നും മ​റ്റെ​വി​ടെ​യോ​നി​ന്ന് ഇ​വി​ടെ എ​ത്തി​യ​താ​കാ​മെ​ന്നും നാ​ട്ടു​കാ​ർ പ​റ​ഞ്ഞു.

ഈ ​പ്ര​ദേ​ശ​ത്തു കാ​ട്ടാ​ന​യു​ടെ ആ​ക്ര​മ​ണം ഭ​യ​ന്ന് വീ​ട്ടു​കാ​ർ പു​റ​ത്തി​റ​ങ്ങാ​ൻ മ​ടി​ക്കു​ക​യാ​ണ്. കു​ട്ടി​ക​ളെ സ്കൂ​ളി​ൽ വി​ടാ​ൻ​പോ​ലും പേ​ടി​യാ​ണ്. വൈ​കു​ന്നേ​ര​മാ​യാ​ൽ കു​ട്ടി​ക​ളും മു​തി​ർ​ന്ന​വ​രും വീ​ടി​നു​ള്ളി​ൽ ക​യ​റി വാ​തി​ൽ അ​ട​ച്ചി​രി​ക്കു​ക​യാ​ണു പ​തി​വ്. വ​ന​ത്തോ​ടു ചേ​ർ​ന്നു​കി​ട​ക്കു​ന്ന കൃ​ഷി​യി​ട​ങ്ങ​ളും വീ​ടു​ക​ളും കാ​ട്ടാ​ന​ക​ളു​ടെ വി​ഹാ​ര​കേ​ന്ദ്ര​ങ്ങ​ളാ​ണ്.

മ​ഴ​ക്കാ​ല​മാ​യ​തോ​ടെ കാ​ട്ടാ​ന​ക​ൾ സ്ഥി​രം കൃ​ഷി​യി​ട​ങ്ങ​ളി​ൽ എ​ത്താ​റു​ണ്ട്. കൃ​ഷി​യി​ട​ത്തി​ൽ എ​ത്തു​ന്ന കാ​ട്ടാ​ന​ക​ൾ ച​ക്ക​യും മാ​ങ്ങ​യും വ​ലി​ച്ചു​പ​റി​ച്ചു തി​ന്നു​ക​യും തെ​ങ്ങും ക​മു​കും റ​ബ​റും കു​ത്തി​മ​റി​ച്ച് ന​ശി​പ്പി​ക്കു​ക​യും ചെ​യ്യു​ന്ന​തു പ​തി​വാ​ണ്. ധോ​ണി മു​ത​ൽ പു​ളി​യ​മ്പു​ള്ളി വ​രെ​യു​ള്ള ഭാ​ഗ​ത്താ​ണ് കാ​ട്ടാ​ന​ക​ൾ കൃ​ഷി ന​ശി​പ്പി​ക്കു​ന്ന​ത്.

വ​ന്യ​മൃ​ഗ​ങ്ങ​ൾ കൃ​ഷി​യി​ട​ത്തി​ലും നാ​ട്ടി​ലും ഇ​റ​ങ്ങി ജീ​വ​നും സ്വ​ത്തി​നും ഭീ​ഷ​ണി​യാ​യി​ത്തീ​രു​ന്ന​ത് അ​വ​സാ​നി​പ്പി​ക്കാ​ൻ വേ​ണ്ട ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നു പ്ര​ദേ​ശ​വാ​സി​ക​ൾ ആ​വ​ശ്യ​പ്പെ​ട്ടു. ട്ര​ഞ്ച് നി​ർ​മി​ച്ചും വൈ​ദ്യു​തി​വേ​ലി അ​റ്റ​കു​റ്റ​പ്പ​ണി​ക​ൾ ന​ട​ത്തി​യും വ​ന്യ​മൃ​ഗ​ങ്ങ​ൾ ജ​ന​വാ​സ​മേ​ഖ​ല​യി​ലെ​ത്തു​ന്ന​തു ത​ട​യ​ണ​മെ​ന്നും ക​ർ​ഷ​ക​ർ ആ​വ​ശ്യ​പ്പെ​ടു​ന്നു.